PICENTINI

PICENTINI

populi divisi fuêre a Lucanis Silarô fluviô, fueruntque ubi nunc pars Borealis Principatus citerioris, in regno Neapolitano, iuxta sinum Salernitanum. Brietius autem credit Surrentum, Vicum Aequensem, Massam, et Stabias non fuisse alias Picentinorum urbes, sed Campaniae, ut etiam sunt hodie. URBES PICENTINORUM HODIE EXSTANTES: Amalphis, Amalsi, archiepiscopalis. Caprea, insula cum urbe episcopali sub Archiepiscopo Amalphitano, Capri. Urbs parva. Cava, la Cava, vulgo, episcopalis recenssub Archiepiscopo Salernitano. Lycterae, Lectere, episcopalis sub Archiepiscopo Amalphitano, parva. Massa Lubrensis, Massa di Sorrento, episcopalis sub Archiepiscopo Surrentino. Minor, Minori, episcopalis sub Archiepiscopo Amalphitano, parva. Nucera, Nocera de Pagani, episcopalis sub Archiepiscopo Salernitano. Ravellum, quasi Rebellum, Ravello, episcopalis sub Archiepiscopo amalphitano. Sedes iuncta Scalensi, parva. Salernum, Salerno, archiepiscopalis, Principatus citerioris caput, olim Academia. Sarnus, Sarno, episcopalis sub Archiepiscopo Salernitano. Scalae, Scale, episcopalis sub Archiepiscopo Amalphitano. Stabiae, Castel a mar di Stabia, quasi Stabiae novae, episcopalis sub Archiepiscopo Surrentino. Surrentum, Sorrento, archiepiscopalis. Vicus Aequensis, Vico di Sorrento, episcopalis sub Archiepiscopo Surrentino, parva. Interiêre Pompeii, Stabiae, et Aequa.